新婚燕尔的郑嘉颖和陈凯琳（Grace）从峇里返港，两口子一黑一白衬到绝，二人戴婚戒大晒恩爱，一步出机场时即十指紧扣，记者任影唔嬲！席间记者称呼他们“郑生郑太”，二人显得相当受落，但Grace笑言未习惯这称呼！

接受访问时，他们表示留多几天都是顺道庆祝嘉颖生日，问Grace有甚么惊喜给老公？嘉颖抢答：“唔使惊喜！已经有最好礼物畀我！”是否双喜临门？嘉颖说：“有好消息先讲啦，都未有消息！（呢几日好努力？）慢慢啦！仲流流长！（生猪仔？）猪年有排，听讲猪仔有福气！”问到Grace，奶奶有冇畀压力要快手追B？她表示：“冇喎！佢今次参加婚礼好开心，都明白好多嘢都要一步步嚟，顺其自然会好啲。”

怨兄弟唔帮手接新娘

讲到婚礼两位都感动爆喊，问到边位眼浅啲？嘉颖表示都差唔多，大家遇到感动事都会喊。而接新娘期间嘉颖唱出《一千个愿意》，嘉颖表示：“呢只系我平时练开嘅其中一只歌，佢听过话好锺意，想我唱畀佢听，唱完就成功娶到老婆，（接新娘多唔多难关？）啲姊妹伴娘好帮得手，不过我啲兄弟就冇帮手，佢哋净系挂住拍片冇乜出声，都系我自己搞掂晒，好多谢佢哋。”在旁边的Grace亦忍唔住大赞嘉颖：“好叻呀你！”问到会否在香港补摆喜酒？嘉颖表示：“都唔会?啦！我哋心目中想要一个简单婚礼，亦都得到双方屋企人同意，好圆满好系我哋想要嘅嘢。”被问到会否再Honeymoon？嘉颖笑言会但地点就要保密。

而《少妇联盟》成员之一嘅龚嘉欣因为唔舒服，最终未能到峇里参加佢哋嘅婚礼，Grace：“有问候过佢，知道佢身体好番啲依家都开紧工，佢嚟唔到有唔开心，希望之后再食番餐饭。”