今年39岁嘅廖碧儿，入行后曾与刘恺威同陈豪相恋，直至今年3月传出佢同富二代卢启贤拍拖，正当廖碧儿承认恋情时，但就杀出个程咬金，有指卢启贤已有交往7年嘅泰籍女友，廖碧儿就变咗做第三者，之后佢就无再回应，仲返咗加拿大读书?！

正当大家以为事件告一段落，今日有周刊就爆话廖碧儿原来4年前，已经秘密同法国波尔多酒庄富豪Charles Cazes结婚。

报道指，有一位喺波尔多开餐馆嘅读者爆料，话睇到廖碧身同卢启贤嘅拍拖新闻好好笑，因为佢话廖碧儿早喺4年前，已经同酒庄富豪Charles Cazes结婚，仲话佢哋10年前已经成日喺当地约会，大约4年前就结婚，仲话Charles Cazes送咗价值千万嘅酒庄俾廖碧儿，不过可能因为廖碧儿唔想影响演艺事业，而老公亦唔介意将婚事低调，所以就冇公布婚讯。

报道仲话，读者指当地好多华人都见过廖碧儿同Charles Cazes拍拖行街、食饭。读者仲话因为男方有钱又靓仔，又同廖碧儿聚少离多，平时都有好多女仔埋身，所以廖碧儿就搵卢启贤嚟激老公，而Charles Cazes为咗挽救婚姻，亦已经飞咗去加拿大陪老婆读书箍煲喎！

早于14年，曾有传媒报道指廖碧儿以女主人身份出席法国著名酒庄Chateau Lynch-Bages在马会会所举行的红酒晚宴，当时男主人就系Charles Cazes，数日后廖碧儿就被影到去咗法国，但当时碧儿就同Charles Cazes只系朋友，仲话接吻只系Goodbye Kiss，只是法国人嘅礼貌。

对于被爆同波尔多酒庄富豪Charles Cazes秘婚4年，廖碧儿今日短讯回复记者：「佢系我识咗好耐嘅朋友，我冇结婚。我都想知点解，哈哈... 应该问番爆料嗰位读者。」问到廖碧儿同CharlieCazes有冇发展空间，佢斩钉截铁答：「No.」。